भ्रम हुँ म ! भ्रम हो यो
संसार ! भ्रम हुन् यहाँका यावत् चिजहरु ! यो भ्रम हो , त्यो भ्रम हो , सबै भ्रम हो
! होइन ! होइन ! केहि पनि भ्रम होइन !
आँखाले देखेका , कानले सुनेका , सरिरले भोगेका अनि मस्तिस्कले बुझेका कुरा पनि कहिँ भ्रम हुन्छन्
?! ओहो , कस्तो दोधार ?!
के त्यो आँप पाकेको नै हो त
? कि त्यो पहेंलो मात्र हो ? के त्यो गोलभेंडा पाकेको नै हो त ? कि त्यो रातो
मात्र हो ? के त्यो टेबुलमा सजाईएको फूल, फूल नै हो त ? कि त्यो कपडा या कागज
मात्र हो ? के त्यो गलामा झुण्डाईएको बस्तु सुन नै हो त ? कि त्यो जलप मात्र हो ?
के त्यो पर्दामा आएका प्रिय , अप्रिय पात्र र घटनाहरु वास्तविक हुन् त ? कि ति
काल्पनिक मात्र हुन् ? के उनी ज्याकसन नै हुन् त ? कि उनी जयकिसन मात्र हुन् ? ओहो
, कस्तो दोधार ?!
पैसा मुल्यवान बस्तु नै
हो त ? कि यो कागज मात्र हो ? होइन, होइन पैसा कागज मात्र होइन , नत्र मानिसहरु यसको
लागि किन मरी मेट्थे यसरी ? ओहो , कस्तो दोधार ?!
अहिले जाडो नै हो , फेरी यो
कोठामा न्यानोपन कसरी ? अहिले रात नै हो , फेरी यो उज्यालो कसरी ? काले त कालो भएर
पो भनेको , फेरी यो गोरो देखियो कसरी ? ओहो , कस्तो दोधार ?!
मन्त्र - पाठ पढ्ने हो कि
धोतिमात्र बेर्ने हो ? गला खोलेर सूरले गाउने हो कि घोक्रो सुकेको आवाज मात्र निकाल्ने
हो ? बोल्ने मात्र हो कि केहि गर्ने पनि हो ? ओहो , कस्तो दोधार ?!
जीवनमा कत्ती धेरै दोधारहरु ? ओहो ! यो दोधारमा बस्नु पर्यो किन ? आखिर आकाश निलो
छ भन्दै मानिस त भ्रममा नै बाच्ने प्राणी हो नि !
